°•..•° M y L i F e «•» F o R u M s°•..•°
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 نظرية booze base

اذهب الى الأسفل 
كاتب الموضوعرسالة
البرنس
مشرف منتدى الترفية
مشرف منتدى الترفية
البرنس


ذكر
عدد الرسائل : 31
العمر : 30
دولتى : نظرية booze base Egypt110
مزاجى : نظرية booze base M5rbha12
المهنة : نظرية booze base Studen10
الهواية : نظرية booze base Sports10
تاريخ التسجيل : 11/11/2008

نظرية booze base Empty
مُساهمةموضوع: نظرية booze base   نظرية booze base Icon_minitimeالجمعة 14 نوفمبر 2008, 1:56 pm

نظرية booze base Bsm
القاعده الأولى
لو عربيتك كبيرة أو قديمة ..
أستخدم المبدأ القانوني ..((اللي خايف على عربيته يوسع!!))
ملحوظة: ابعد عن سكة العربيات المخرشمة ..بيسوقوا بنظرية ضربوا الأعور على عينه!!

القاعده الثانيه
البوز بيز Booze Base ..
اللي يدخل ببوز عربيته الأول للتقاطع هو صاحب أولوية المرور!
احرص على أن تكون صاحب أول بوز.
ملحوظة: لا تطبق الBooze Base
مع أي لوري أو أتوبيس ..
حرصاً على بوزك لا مؤاخذة.

القاعدة الثالثة
الإشارات تكشف نواياك للأعداء ..
إياك أن تستخدمها!

القاعدة الرابعة
لا تترك مسافة للأمان بينك و بين السيارة التي أمامك فهذا له عدة مخاطر:
1عربية ثانية حتملا الفراغ في ثواني ..
و برضوه ما يبقاش فيه مسافة بينك و بين الي قدامك ..
كل اللي كسبته إنك اتأخرت لورا شوية !!
2حتدي فرصة للعيال يعملوا غرز قدامك
3كل المشاة حيغمضوا عينيهم و يعدوا من الحته دي !.
4الي وراك حيقعد يزمر - لو كان مؤدب ..
أو تسمع شوية أسامي حيوانات لو كان سواق تاكس - مؤدب ..
أو حيخبطك من ورا لو كان سواق ميكروباص - و دول مفيش حد منهم مؤدب -.
الإشارات مش معمولة علشان تنظم المرور..
معمولة علشان شكل القاهرة يبقى متحضر بس ..
اعتمد على العساكر ..
(مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري) ..
أو يفضل أن تستعمل البوز بيز ( راجع القاعدة الثانية ).

القاعدة الخامسة
إذا كنت مش واقف في الصف الأول في الاشارة ..
اعمل حسابك تزمر بشكل متواصل و هستيري أول ما الأشارة تفتح ..
لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

القاعدة السادسة
معظم الحوادث تحدث في التقاطعات أول الأشارة ما تحمر..
كل ما عديت الإشارة الحمراء أسرع كل ما قلت فرصة انك تتخبط!

القاعدة السابعة
الشارع مكان مقرف ..
سوق بأسرع ما يمكن حتى تتخلص من هذا الهم بسرعة ..
الناس الي ماشيين بالراحة مرضى نفسيين بيستمتعوا بالعذاب ..
يستاهلوا اللي يجرى لهم !!

القاعدة الثامنة
من حقوقك الدستورية أن تركن أمام باب المحل الذي تريد أن تشتري منه ..
اذا سبقك واحد ابن ستين في سبعين و ركن قدام الباب ..
فمن حقك أن تقفل عليه و تركن صف ثاني أو ثالث ..
و مش مهم لو الشارع اتقفل ..
ايه يعني أما الناس تتعطل عشر دقائق علشان تستمتع بحقوقك الدستورية؟
هيا يعني الدنيا طارت ولا كان وراهم الديوان؟

القاعدة التاسعة
من حقك أيضاً أن تخرج من مكان انتظارك في أي لحظة تشاء ..
اكسر الدركسيون شمال و اطلع ..
أي حد ماشي في الشارع لازم يقف لك فوراً، راجع البند السابق.

القاعدة العاشرة
إحترس من ثلاث أنواع من السائقيين بيسوقوا وكأنهم مش ممكن يموتوا ..
1العيال الروشين الي بيلعبوا الكمبيوتر جيمس !!
و فاكريين إن ممكن يكسبوا زيادة لو ساقوا أسرع !!
2موتوسيكلات توصيل الطلبات (Home Delivery).
3سواقين الميكروباص.
ملحوظة: إوعى تحاول تثبت لحد منهم إن فكرته غلط.. فاهمني!!!.

القاعدة الحادية عشر
لما تشوف حادثة لازم تهدي و تتفرج - مش مهم تساعد ..
الحاجات دي دمها أخف من الأخبار المملة بتاعة التلفيزيون..
و بعدين لما الطريق وراك يقف تحمي المجتمع من حادثة تانية !

القاعدة الثانية عشر
الكناسين لازم يحللوا اللقمة الي بياكلوها ..
حاول تنفعهم و ترمي أي حاجة من الشباك !!

القاعدة الثالثة عشر
لما تخلص سيجارة أوعى تحطها في الطفاية ..
ارميها من الشباك أول ما تشوف واحد بموتوسيكل معدي جنبك ..
( علشان يحرم يعمل غرز ) !!

القاعدة الرابعة عشر
من حقك كفرد مشاه أن تعبر الشارع في أي وقت و من أي مكان ..

القاعدة الخامسة عشر
اذا كان هناك سيارة قادمة اعمل نفسك مش واخد بالك و عدي براحتك خالص ..
ما تخافش، هوا حيقف، هو اهبل يدوسك و يودي نفسه في داهية؟؟؟

القاعدة السادسة عشر
إياك أن تنظر نحو السيارات القادمة ..
أعبر الطريق و ظهرك لها ..
حتى لا يشك أحد قائدي السيارات أنك تراه و يحاول يخوفك علشان تقف انت..
وكأنك رجل مرور بيبص على سيارة جيش أو شرطة مخالفة !!

القاعدة السابعة عشر
حتى لو شفته أوعى تخاف - خصوصاً لو معاك مراتك ..
تبقى راجل ملو هدومك و تخاف من حته عربية؟
عرض قفاك و سيبه يتفلق !!

القاعدة الثامنة عشر
الرصيف ليس للمشاه ..
بل لركن السيارات و فرشات الباعة الجائليين و المحلات... الخ،
لذلك يحق للمشاة السير في وسط الشارع ..
لمزيد من الأمان، راجع القاعدة السابقة.

القاعدة التاسعة عشر
إذا كان الماشي من فئة النقل الثقيل ..
فمن أبسط حقوقة إنه يمشي على أقل من مهله و يهتز براحته ..
واللي مش عاجبة الهز يدور على لوري يخبطة
نظرية booze base Sm232
نظرية booze base Sm232
نظرية booze base Sm232
الرجوع الى أعلى الصفحة اذهب الى الأسفل
 
نظرية booze base
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
°•..•° M y L i F e «•» F o R u M s°•..•° :: حياتـى الترفيـة :: قسم المهيسين فى الارض-
انتقل الى: